الحمد لله و بعد إنتظار طويل وصل إلى حد القيام بصلاة الإستسقاء ... نزل الغيث .
معجزة قالوا ، ثمة شكون مشى فيبالو فصل الشتاء تم إلغائه و تعويضه بإفتتاحية برهان بسيس في برنامج ناس نسمة (إلي بعد أيمات زادة هي تلغات) .
الحاصل كثرت المعجزات في بلاد دخلت في حيط ياخي عملت marche arrière .
فمة حاجة خارقة للعادة النجموا نشبهوها بالمعجزة صارت ليوم بركة و هي إتخاذ الجبهة الشعبية "موقف" من الدور الثاني للإنتخابات الرأسية
و من عنوان المقال النجموا نستنتجوا برشة حاجات
و من عنوان المقال النجموا نستنتجوا برشة حاجات
كيما تشوفو الجبهة الشعبية دخلتها بلغة صعيبة , لغة باندية و "قطاع طرق" و طلبت من الناخبين متاعها يكعبروها لمرشح الخوانجية المنصف المرزوقي بجميع "الطرق .
الرخ لا مع الجبهية الشعبية .
و لكن بما أنهم يلزمهم يقطعوا الطريق على المرزوقي , كل المؤشرات تقول أنها الجبهة باش تطلب من ناخبيها باش يصوتوا للباجي قايد السبسي .
نشوفوا مع بعضنا رأي حمة الهمامي في الموضوع هذا .
يا سي حمة الهمامي وين نشبوا أحنا توة ؟؟؟
ومن فوق هذا الكل ما قلتناش الناخبين متاعك لشكون يلزمهم يصوتوا .
أنا بصاحة توقعت موقف أكثر وضوح من هكة من الجبهة الشعبية بالرغم من أنها معروفة لي هي ضد مشروع الإخوان و ضد عودة النضام السابق و الأزلام .
الجبهة في البيان هذا حبت تعطي فرصة للنداء باش ياخذ موقف من حركة النهضة و مشاركتها لها للحكم لكن نست أنها الأمور هاذي و التحالفات ما يصيرو كان بعد الإنتخابات الرآسية .
يعني بلغة أخرة الجبهة خذات موقف بأنها ما تاخذ حتى موقف إلي هو بيدو موقف غالط .