هانا في الصعدة حاولوا تخلطوا علينا

في إطار حرب الدولة التونسية على كل ما هو جمال و ثقافة و إبداع قامت وزارة الداخلية بتعاون مع وزارة الثقافة بإلغاء عرض الفنانة ياسمين حمدان لأسباب أبهم منها مفماش .

يعني مبعد فضيحة Langar و الجنسيات الإرهابية يواصلوا وزراء ما بعد الثورة سياستهم الفاشلة في محاولة لتبهيم الشعب و تصحيرو ثقافيا لكن نساو لي فما إختراع زمبور ياسر إسمو أنترنات النجمو نخراولكم في كيوفكم فيه مغير ما نستنوا مهرجانات و إلا كونسارات .

و فلخر قد ما تحاولوا تصنصرونا و تحرمونا من كل ماهو جميل من أعلى قمة تشدونا و كان نجمتوا تحبسوا مهرجان متنجموش تحبسوا الإنترنات و كان تحبسوا الأنترنات... لا عاد وقتها النيكولكم أمكم .

و هانا في الصعدة حاولوا تخلطوا علينا .

حصري : الحوار الذي دار بين مهدي جمعة و الأمير سعود آل فيصل بجدة

حصريا و بما أني واصل و عندي نفوذ و كل شيء نجمت ندبرلكم الحوار و بأدق تفاصيلوا إلي دار بين رأيس الحكومة مهدي جمعة و وزير الخارجية السعودي الأمير سعود آل فيصل .

تق تق تق تق تق تق (الصوت متع صباط مهدي جمعة) تق تق تق . الصوت متع حلان الباب منعرش نكتبو لذا أهوكا تحل الباب و مهدي جمعة دخل هو و البودي القارد و خلا الصحافيين و المستاشرين و التوابع متاعو البرة .

البيت مزيانة ياسر : أثاث ذهب و فضة و ريدوات حرير تي جو الكرز متع السعودية الحاصل . عاد الأمير قاعد على الكرسي و معاه الحراس الشخصيين متاعو كي دخل جمعة قام هكاية و سلم عليه 

- السلام عليكم و رحمة الله تعالى و بركاته كيف حالك يا مهدي جمعة شرفت السعودية و مجلس التعاون و دول الOPEC و الله .
- و الله الحمد الله صاحبي جوي باهي جوست كرشي مقلقتني شويء ماك تعرفني بطي و السبتة متع السروال مكبوسة علية أما الباقي سا فا .
- و أنتم ليش في تونس تلبسوا ملابس ضيقة ، سراويل و فيستات و سوريات ، جبة و كشطة و ديما يمشي كيف ما تقولوا نتوما . ما فيش مشكل يعني الأوضاع الأمنية تحسنت شويء عندكم ؟
- بصارحة منحبش نكذب عبليك الأوضاع كي زب زبي إرهاب في الشمال و تهريب في الجنوب و ساعة ساعة العكس و زيد فيضانات في الوسط تي شادين في شعرة كان ينفخ علينا الريح نتناكوا .
- مو يلزم تكون سلبي يلزمك تكون متفائل بالمستقبل و تدعي لله يغير الأوضاع مين يعرف الفياضانات تولي في الجنوب و الإرهاب يولي عالسواحل يمكن حتى التهريب يخرج من تونس و يروح لفرنسا مين يعرف . و إنتي و
الأوضاع متعبة بتونس شمجيب كس أمك للسعودية
- و الله يا شيخ حتى شيء ما يعجب في تونس و بصراحة جاي نطلب من عندك سلف حكاية زوز مليارات حاصيلو بلي تقدر الأوضاع مقينة و نعرفك خوية متخليهاش بية و دوم ما ندبر قرض من البنك العالمي تاو نرجعلك .
- شووو لك جاي تتسول يإبن الشرموطة أ أ أخرج ، أخرج على زبي أخرج طلعتلي السكر يا حيوان إنتي .
- علاش هكة منحبكش تتغشش رتح أعصابك هاو باش نخرج دقيقتين نخليك تخمم شويء و مبعد قلي إيي و إلا لا .
- أخرج من غير رجعة ما عاد نحب نشوف و جهك في السعودية .
- باهي هاني خارج و سمحني على القلق
- مو مشكل أحنا إخوة في الآخر .

مبعد قاموا سلموا على بعضهم و هز مهدي جمعة البودي قارد و حل الباب باش يخرج أما مبعد تذكرحاجة :
- حقها شيخ قبل ما نروح زعمة نسيت فما ديكتاتور مرقدينوا عندكم و طرف مليارات
- مليارااااات ؟؟؟؟؟؟  مليارات شووو ؟
- تي أموال منهوبة و زبي نسيتهم ، تي الخاصل كان تتصرفولنا فاهم فيسع يرحم والديكم ، أيا السلام .

و سكر الباب و خرج مبعد توجه للصحافيين و هاو شقاللهم :
في الحقيقة الحوار كان أفرز العديد من الكذا كذا كذ كدا كذا ....  تتجسد في التشاور في عديد القضايا مع الأطراف السعودية كذا كذا كدا كذا .... جدول عمل كذا كذا كذا خارطة الطريق كذا كذا كذا ... رأس زبي كذا كذا ... الحاصل حكى على كل شيء و محكاش كان على الحاجات إلي باهم فائدة و تهمنا كتوانسة .

عن الإعجاز العلمي : بوتفليقة مثال

السلام عليكم
باز الكل سمعتوا بترشيح عبد العزيز بوطفليقة الذي لم يتجاوز ال76 سنة ربيعا لنفسو لفترة رآسية رابعة اللي بالطبيعة منعرفوش شكون باش يربحها بحكم المنافسة الكبيرة الموجودة في الجزائر على كرسي الرئاسة .

 

منيش باش نتهكم و نتمنيك على السن متاعو و إلا برنامجو الإنتخابي و إلا السي في متاعو المتكون من جلطة دماغية و أربعة أسابيع معداهم في كلينيك .

بلعكس نحب نحيي عبد العزيز بوطفليقة بالرغم من المرض و الكبر مكبش أنو يكمل فترة رآسية أخرى و بفضل الطبة و البحث العلمي و كل شيء النجم نقلكم حسب التسريب إلي جاني من مصادر أمنية بوطفليقة بفضل عملية زرع أعضاء إصطناعية ربح 50 سنة أخرى في حياتو .

بيزار علخر الحكاية هاو باش نفسرلكم

ماو سمعتو بالراجل الفرنساوي لي زرعولوا  قلب إصطناعي و مبعد شهرين و شوية مات أيا طلعوا قداه عمرو ؟؟؟ 76 سنة ! يعني نفس العمر متع بوطفليقة بالضبط .



لا مهيش مؤامرة هوما جوست الطبة جربوا القلب على عبد أخر نديد بوطفليقة يتستوا عليه في المتريال قبل ما يركبوه على بوطفليقة .

و حاسب مصادري زادة فما توا إحتفالت كبرى صايرة في جنوب إفريقيا ، قول القايل شمدخل جنوب إفريقيا .
ماو قالك بوطفليقة ناكولوا متريال جديد و رجعوه يخدم شبيه منيك نيلسون منديلا علاش زادة هو ما يصلحوهوش و يرجعوه و إلا طفليقة راجل و منديلا لا .

و في اللخر نحب نطمن الشعب الجزائري إلي راو المتريال متع الفرانسين كي الزبي و تاو بعد شهر و إلا شهرين تاو يطيح أون بان و ترتاحوا من راطستوا الكلبة و العقبة لجماعتنا أحنا .

و أي واحد باش يقلي بوطفليقة ما يتكتبش بال ط النيكلو بوه

رسالة مفتوحة إلى الحبيبة تونس

السلام عليكم

 قبل ما نبدى المقال نحب نقول في إطار العزل الجماعي و إقصاء المنيكين قررت الهيئة التعديلية متع مخي بعد مشاورات و كذا تحديد فوق كل مقال الشروط اللي يلزم يتمتع باها القارء باش ينجم يقرى المقال و ذلك لضمان مناخ ديموقراطي مبني على التسامح و التحابب و منع الطيفيليات و الجراثيم من التسرب للمدونة .

الشروط ليوم مهيش برشة

المقال ممنوع على المنيكين مهما كان جنسهم، دينهم، لغتهم،لونهم، طعمهم و رائحتهم .

عندي برشة مكتبتش يمكن قرابة ثلاث شهور... قعدت ثلاث شهور نتفرج علي صاير و ساكت أما ساكت عن طوعية . في الفترة هذيكة قلبي تعبى و غلي زاد على برشة حاجات و برشة عباد و أكثر واحد قلبي تعبى عليه هو تونس و ديما البشر بطبيعتو يتغشس أكثر و يتمس أكثر كي الضربة تجيه من عند إنسان يحبو و يعندو بلاصة كبيرة في قلبو  .

شنية هي تونس ؟ تونس دولة عربية إسلامية دينها الإسلام .... إلخ إلخ

حسب الأوضاع الراهنة لقيت برشة مفاهيم أخرين النجموا نعرفوا باها تونس بطريقة أفضل حسب رأيي تونس هي عبارة على منجم كبير متع ذهب وين الخدامة مكرزين على صاحب المنجم . الخدام يحفر و يتعب و يشقى باش يخرج الذهب و مبعد معندوش الحق أنو يتمتع بحتى غرام من الذهب هذاكة و كان يتجرأ يعملها يطردوه من الخدمة  .

تونس زادة عبارة على راجل يخون في مرتو مع مرأة أخرى مزال كي تعرف علاها أزين و خير من مرتو بياسر أما وقت لي جاء باش ينيكها أول مرة زدمو عليه فرقة الأخلاق الحميدة و شنقلوه عريان قلم .

كذلك النجموا نعرفوا تونس على أنها مرأة عزوزة مريضة بالأمراض الكل من السكر حتى الغلض الدم و عندها الأدوية لي تخلاها تبرى من الأمراض هذيكة و ترجع لباس لكنهي متحب تستعمل حتى دواء هكاكة صحة رأس  .

تونس فاها برشة حجات خايبة و برشة و جوه لوح نتمناو أنها تختفي إلى الأبد لكن لكل داء دواء و أحنا علاش موجودين ماو موجودين باش نصلحوا إمالة علاش يا بنت القحبة متحبناش نصلحوك و نعاونوك و ننهضوا بيك و نرجعولك مكانتك و قدرك إلي مشى تحت الساقين .

نحن موجودين باش نخدموا تونس و تونس متحبناش نخدوموها علاش تحب تكرهنا فيك علاش .

برشة عباد تعبوا و فدوا قالوا لتونس إستغلنا ما حاشتنا بشيء لا بفلوس لا شيء حاشتنا نراو تونس خير من هكة لكن كي العادة تونس بعثتهم تنيك ... هذاكة علاش قرروا باش يهربوا من تونس و إلا يهاجروا و إلا يسافروا المهم يبعدوا على تونس أكثر ما يمكن خاتر كي تبدى متعلق بحاجة لدرجة تفدي روحك و دمك على جالها و هي مطفيتك و حاقرتك معندكش الشجاعة باش تقلها برة نيك ديما تحاول تبعد... تبعد على الواقع و تهرب منوا و عمرك متنجم تهرب منوا لين يهز ربي متاعوا .

فما برشة عباد تعرف دورة حياة الإنسان بولادة ثم العيش لبضع سنوات ثم الموت أنا نشوفها هكة :

1-ولادة

2-العيش لبضع سنوات

3-الدخول في مرحلة موت إفتراضي

4-الموت الواقعي

مرحلة الموت الإفتراضي هي المرحلة إلي عقل الإنسان و قلبو يموتوا (إفتراضيا) تولي تفقد لذة الحياة ، الحياة تولي طعمتها قريبة ياسر لمطعم الخرى تولي تستنى في مرحلة الموت الواقعي بالدقيقة و الدرج هذا كان ما وفاش صبرك فيسع و قتلت روحك وحدك و يمكن نسميو مرحلة الإنتحار مرحلة الولادة من جديد أملا في عيشة خير في الدنية الأخرة.

أحنا نحبوا نعيشوا في المرحلة الثانية مرحلة العيشة و الإستمتاع و كل شيء لكن تونس تحبنا نتعداو طول من المرحلة الأولة للمرحلة الرابعة

تونس تكرهنا و تكرز منا تحبنا يا نخرجوا منها الكل يا نموتوا الكل .

المقاومة مزالت متواصلة و قد ما تحب تونس تكرهنا نحنا مزال عندنا فاها أمل... لكن الأمل هذا قاعد يمشي و ينقص.