الثورة تأكل أبنائها

الثورة تأكل ابنائها

يوم الثلاثاء 27 ماي 2014 يعرض عصام وخالد عمري اخوة شهيد الثورة " محمد عمري " على المحكمة بتهم كيدية اهمها " حرق مركز في أحداث الثورة " ..وهذى في سياق سابقة مشهودة لوزارة الداخلية لصناعة التهم وتلفيق التهم لأبناء الثورة والجرحى واسر الشهداء والناشطين الذين يدافعون عن حقوق المواطن الذي سرقت ثورته من قبل عملاء الاستعمار ..لذا ندعو كل احرار هذا الوطن التصدي لهذه الساسة الممنهجة لوزارة الأغتصاب والارهاب عبر التواجد بكثافة امام المحكمة الابتدائية بالقصرين يوم الثلاثاء 27 ماي 2014 ..

حكومة بورقيبة سكول

حكومة بورقيبة سكول حكومة رائعة و مش نرمال علاش زعمة ؟؟ خاطر فاها وزراء يعرفوا يحكوا بالفرونسي و عندهم وزيرة متع سياحة زبور و تلبس القصير . خير بياسر من الحكومة لخرة إلي وزرائها عاملين لحية مخيبهم و معاهم الحارزة و العفشة سهام بادي و وجوهوم ماهيش منورة و مهمش مزيانين حتى طرف .

إي نورمالمون المعيار الوحيد في إختيار الوزراء هي الكفائة ... عصبة لاها الكفائة المرحلة القادمة حساسة ياسر يلزمها وزراء مزيانين باش نشاركوا باهم في ستار أكاديمي (و إلا ديمونش حنبعل ؟) .

حكومة التكنوقراط هاذي ماشي فيبالهم شادين شركة صغرة ، ماشي فيبالهم مجلس إدارة موش حكومة .
و بطبيعة الحال كل شركة صغرة مصيرها تتباع لشركة كبيرة معناها في المرحلة القادمة متتفاجئوش كي تقراو خبر من نوع "أمريكا تضع يدها على تونس في صفقة قياسية" عادي جدا معناها .

يا حكومة بورقيبة سكول إلي تعرف تحكي 17 لغة و إلي همها الوحيد إنجاح الموسم السياحي ... شطرنا في الحبس خاطر شارك في الثورة و إلا قلق "الجماعة" عزيز في الحبس، صبري في الحبس ، صفوان بوعزيز في الحبس ،حلمي الشنيتي في الحبس ، علاء الحيدري في الحبس و إلخ إلخ .

نحب نقلكم عصبة ليكم و لموسمكم السياحي كان باش نتحطوا الكل في الحبس و إتوما شاهد ماشافش حاجة .

و غدوة مع التسعة قدام المحكمة عنا حساب آخر .

نراكم بعد الفاصل   .

خلف كل قيصر يموت يولد قيصر جديد

عزيز قبل ما يكون شخص هو فكرة ، عزيز هو شباب تونس الكل ... شباب مشا فيبالو إلي ينجم يعيش راجل ، بقدرو و كامل الحقوق و الواجبات .
لكن هيهات (أو العصبة في رواية أخرى) نسينا رواحنا إلي أحنا عايشين في تونس .
إنها ثورة البص يا مولانا ، أين موضف معلق نجمة و شعار من المفروض أنو يخدم عندك و يسهر على راحتك كمواطن ، ينيكك في الحبس بكل تواضع .
 
و من أهم شعارات ثورة البص شعار "قانونكم نيك أمو" يعني القانون الذي لا يحقق العدالة يجب أن يسقط شيلا بيلا .

نحب نقول إلي طول عماركم تبقاو بهايم مشى فيبالكم كي شديتو عزيز باش تتهنوا ههه حليتوا على رواحكم باب بلى .

أنا عزيز ، إنتي عزيز ، شباب تونس الكل عزيز يعني حطوا شباب تونس الكل في الحبس .

إنها الحرب .

رسالة حب

هاذي رسالة حب و لوم و عتاب للشعب التونسي .
هو بالطبيعة موش الشعب التونسي الكل باش يقراوها أما يدهم .

ليوم قمت الصباح على أخبار توقيف عزيز ، كيما العادة معناها باش ينضم لبقية لزملاء لي حرقوا مركز .
وكيما العادة زادة ما فما حد ياش ياقف معاه ما عدى عائلتو و صحابو و طرف صحافيين و أميات على الفايسبوك .

إلى متى باش نبقاو في الحالة هذه ... هو في الحبس و أحنا البرة تعتبر قلة تربية و قلة رجولية . يا الناس الكل مع بعضنا في الحبس يا الناس الكل البرة ما كانش أحنا كشعب تونسي معناش سببب وجيه باش نعيشوا في العالم هذا .

طحان و أولهم أنا كان ما ناقفوش معاه كيما يلزم ما كانش هانا خالطين عليه مدام قاعدين كل واحد يحضرولوا في قضية على مقاسوا .

هو توقف في اشتباه على الزطلة ، هوما حرقوا مركز ..... و إنتي على شنية باش تتوقف ؟