التدوين مهم ياسر بالنسبة ليا خلاني نتعلم برشة حاجات مكنتش نعرفها .
التدوين علمني الصبر و وسع البال مثلا عندما يتم قرصنة حسابي الشخصي على الفايسبوك بسبب ممارستي لحرية التعبير إلي جابتها الثورة مش الخوانجية نوسع بالي و منهرعش و نبدا نصيح و نربرب لا بشويا لين نرجعو الحساب و يبدا جوي باهي و لا عزاء لكلاب السلطة .
حاجة أخرى زادة حسيت ربما القليل بالمعانات لي حسوها المناضلين و المدونين قبل الثورة من تشويه و هتك أعراض و قرصنة إلخ إلخ إلخ و نقلهم يعطيكم الصحة على صمودكم و الحاجات الكل لي قمتوا باهيا .
التجربة الصغيرة هاذي خلاتني نتعرف على برشا أشخاص عاونوني برشة منحبش نذكر الأسامي خاطر قد ما نذكر بش ننسا منهم و نشكرهم على لي قامو بيه معايا .
أهدافي في المرحلة القادمة هو إنشاء إذاعة تبث على الإنترنات و في القريب العاجل تو نزيد نعطيكم تفاصيل على الحكايا هاذي و ستحمل الإذاعة نفس إسم المدونة .
نشاله نكون عند حسن ضنكم و إلى القاء .
0 commentaires :
Enregistrer un commentaire