ليلة من ليالي النضال الإلكتروني

ﻫﺎﻧﻲ ﺧﻮﻛﻢ ﻗﺎﻋﺪ ﺍﻟﻨﺎﺿﻞ ﺇﻟﻴﻜﺘﺮﻭﻧﻴﺎ ﻋﻠﻰ ﻃﺮﻳﻘﺔ ﻣﻮﻗﻊ ﻧﻮﺍﺓ ﺑﺎﻟﺠﺎﻣﺎﺕ ﻭ ﺍﻟﺒﺎﺭﺗﺎﺝ ﻭ ﺍﻟﻜمﻨﺘﺎﺭﺍﺕ ﻟﻤﻦ ﺇﺳﺘﻄﺎﻉ ﺇﻟﻴﻪ ﺳﺒﻴﻼ‌ ﻭ ﺳﺎﻋﺔ ﺳﺎﻋﺔ ﻧﺒﺪﻟﻮﺍ ﺻﻮﺭﺓ ﺍﻟﺒﺮﻭﻓﻴﻞ ﻫﻌﻬﻌﻬﻌﻪ .
ﻧﻔﺪﻟﻚ ﺭﺍﻫﻮﺍ ﻳﺎ ﺟﻤﺎﻋﺔ ﻳﻤﺸﻴﺶ ﻓﻴﺒﺎﻟﻜﻢ ﺑﺎﻟﺮﺳﻤﻲ ﺟﻤﺎﻋﺔ ﻣﻮﻗﻊ ﻧﻮﺍﺓ ﻧﻘﺪﺭﻫﻢ ﻳﺎﺳﺮ ﻭ ﻗﺎﺑﻠﺖ ﻣﻨﻬﻢ ﺍﻟﺒﻌﺾ ﻭ ﻣﻮﻗﻊ ﻧﻮﺍﺓ ﻗﺪﻡ ﻳﺎﺳﺮ ﻟﺘﻮﻧﺲ ﻭ ﺍﻟﺜﻮرﺓ .
ﻧﺮﺟﻌﻮﺍ ﺗﻮﺓ ﻟﻠﺮﺳﻤﻲ ... ﻏﺪﻭﺓ ﻣﻊ ﺍﻟﺘﺴﻌﺔ ﻣﺘﺎﻉ ﺍﻟﺼﺒﺎﺡ ﺍﻹ‌ﺳﺘﺈﻧﺎﻑ ﻣﺘﻊ ﻣﺤﺎﻛﻤﺔ ﻭ ﻟﺪ ﺍﻟﻜﺎﻧﺰ ﻭ ﺻﺎﺑﺮ ﻣﺮﺍﻳﺤﻲ ﺃﻭ ﺑﺎﻷ‌ﺣﺮﻯ ﻣﺤﺎﻛﻤﺔ ﺣﺮﻳﺔ ﺍﻟﺘﻌﺒﻴﺮ . ﺧﺎﻃﺮ ﺣﺮﻳﺔ ﺗﻌﺒﻴﺮ ﻣﻘﻴﺪﺓ ﺑﺤﺪﻭﺩ ﻳﻌﻨﻲ ﻓﻤﺎ ﺃﺷﺨﺎﺹ ﺃﻭ ﻫﻴﺎﻛﻞ ﻣﻤﻨﻮﻉ ﻋﻠﻴﻚ ﺗﺤﻜﻲ ﻋﻼ‌ﻫﻢ أو تنتقدها ﻋﻤﺮﻫﺎ ﻻ‌ ﻛﺎﻧﺖ ﺣﺮﻳﺔ ﺗﻌﺒﻴﺮ .
ﻣﺎﻟﻰ ﻏﺪﻭﺓ ﺍﻟﺘﺴﻌﺔ ﻣﺘﻊ ﺍﻟﺼﺒﺎﺡ ﺩﻋﻮﺓ ﻟﻠﺸﺒﺎﺏ ﺑﺎﺵ ﻳﺘﻀﺎﻫﺮ و ﻳﻨﺤﻲ ﺣريتوا ﺑﻴﺪﻳﻪ ﻗﺪﺍﻡ ﻣﺤﻜﻤﺔ ﺑﻦ ﻋﺮﻭﺱ ﻭ ﺣﺘﻰ ﻟﻴﺤﺐ ﻳﻌﻤﻞ ﺗﺼﺎﻭﺭ ﻭ ﻳﺘﺰﺑﺮ ﺑﺎﻫﻢ ﻋﻠﻰ ﺍﻟﻔﺎﻳﺴﺒﻮﻙ ﻣﺪﻋﻮﺍ ﺯﺍﺩﺓ ﺑﺎﺵ ﻳﻜﻮﻥ ﺣﺎﺿﺮ .
#sayeb 15
#sayeb freedom of speech

ﻣﺴيبين ﺍﻟﻤﺠﺮمة ﺍﻟﺼﺤﺎﺡ ﻭ ﻳﺤﺎﻛﻤﻮﺍ ﻓﻲ ﺍﻟﺒﻄﺎﻟﺔ

في الدولة التونسية تسرق ، تنهب ، تقتل و تفجر و تحرض على القتل ما يعملولك شيء و لا و الله يطلبوا أنهم يتحاوروا معاك و ولدهم ما جيتش من المريخ إلخ إلخ ... هو كي تجي تشوف الخوانجية جاءو من جحور جرذان و مغاغر وليس من المريخ .
الحاصل ... و في تونس كذلك تبدى حامل شهادة عليا معدي شطر عمرك تقرى و بطال الطالب بحقك في التشغيل تتسب و تتضرب و تتعدى على القضاء بسبب تعكيرك لصفو النضام العام هههه معناها ريكوبا الجاهل قاعد يفوح فيه الصفو العام بطرف هريسة عربي .
كذلك مازلنا في توني تسب الحاكم تشد الحبس ... يسبك الحاكم كيف كيف تدخل الحبس .
من الأخر هاو باش نعطيكم دورة حياة المواطن التونسي العادي :
1- تتولد
2- تكبر و تقرى
3- تاخذ شهادتك و تقعد بطال
4- تكرز من الوضع وتخرج تعتصم
5- تشد الحبس
6- تخرج من الحبس مكرز أكثر و تعمل ثورة
7- تعاود تتولد من جديد و يمشي في بالك حلت معاك
8- تعاود تخرج تعتصم مطالبا بالشغل
9- تعاود تشد الحبس
وهكذا دوليك لين يأتي ما يخالف ذلك مثل إنفجار بركاني أو يوم القيامة و في حين ذلك هانا قاعدين نستنشقوا في ريحة الخرى متنعمين بجودة الحياة .

تونس : دولة قانون ؟

حاسب لي قاعد نشوف فيه لا . الحكومة قاعدة تحاول أكثر ما يمكن تفقدنا الثقة في القضاء التونسي إلي هو بطبيعتوا سمعتوا تسبقوا .

مبعد قضية ولد ال 15 زدت تأكدت أكثر لي القضاء التونسي ليس مستقل و لا عمرو كان مستقل لأنوا بطبيعة الحال تحت سيطرة وزير العدل "التكنوقراط على الإخر" إلي يتصرف حسب شهواتوا و إلي يخطرلوا في بالو .

حملة تمرد على الحكومة الحالية لا بد منها في ضل تواصل الماكينة القمعية لهذا الأخير في إضطهاد و تعنيف المواطنين دون موجب حق .

و في الأخر نحب نذكر إلي البوليسية هما السلطة التنفيذية يعني دمى عند الرؤوس الصحاح للحكومة و لي هوما في الأصل يلزم نتخلصوا منهم .

و السلام .

ولد الكانز : غدا يوم الحسم

غدا تكرم الثورة أو تهان ، غدا نعرفوا رواحنا عملنا ثورة و إلا لا .
غدوة فما شكون باش يتعدى على المحكمة بتهمة حرية التعبير .
باش يتعدى من أجل نقدوا للتصرفات الهمجية و الحيوانية للجهاز الأمني .
غدا حرية التعبير تنتصر أو تموت و نعود على ما كنا ثلاثة سنين لتالي وقتها تعرف يا مواطن خريت فيه و الا لا كي عملت ثورة .

تحليل موضوعي و محايد للوضع الحالي

اليوم باش نحكي على إنفجارات الشعانبي و تداعياتها السياسية و شكون الرابح و شكون الخاسر من لحكاية هاذي بصفة عامة .
عندي زوز نضريات أو كما يحلوا لإخواننا الفرونكفونيين تسميتهم deux hypothèses حول الموضوع هذا .

-النضرية الأولى هي أنوا حركة النهضة تريد إستغلال مناخ إنعدام الأمن و الإستقرار في البلاد للإنقضاض على السلطة و عدم التفريط فيها مهما كان الثمن .
يعني الأمن ينقص و الإجرام و الإرهاب يطلع و الشعب معادش باش تولي مطالبوا الأولية هي التشغيل و حرية الإعلام و حرية القضاء إلخ إلخ ... باش يولي يطالب كان بالأمن .
لهنا تتدخل النهضة و تقلوا هاو الأمن و الإستقرار أما على شرط تخليني في الحكم مكانش يرجع الإرهاب و العنف و يتنحى الأمن إلي كنت أنا موفرهولك .
و النضرية هاذي الطبقت سابقا ... مثلا تبقها هتلر حيث بعد أزمة 1929 جاء هو كالمنقض الذي سيعيد الإستقرار السياسي و الإقتصادي لألمانيا و هذاكا علاش شعبو صوتلوا و عينيه مغمضة . هذايا هو لي تحب تعملو النهضة فبحيث الشعب باش يولي "يطالب" ببقاء النهضة في الحكم لكي توفر له الأمن و الإستقرار .

- النضرية الثانية و هي المستبعدة أكثر أنها تصير على أرض الواقع و لكن فما إمكانية أنها تحدث .
النضرية هاذي متضمنش بقاء النهضة لمدة طويلة في الحكم و هي أنها باش تعمل كيما باراك أوباما وقت لي قتل بن لادن هي كيف كيف زادة باش تقوم بحملة إعتقالت شاملة و واسعة لأشخاص يمكن ساهموا في إنفجارات الشعانبي باش هكاكة تلقى إستحسان من الشعب و لكن في الحقيقة هو مجرد ذر رماد على العيون كيف ما عملت في المؤتمر الثالث لأنصار الشريعة .

الرابح في هذا الكل هو حركة النهضة و اللحاسة متاعوا من مؤتمر و تكتل ... و الخاسر هو الشعب لي باش يفقد جميع حقوقوا و حرياتوا مقابل الإستقرار الأمني.
و حاسب رأيي النضرية الأولى هي الأقرب إلى الواقع لأنوا كل دكتاتورية ناشءة في التاريخ مرت بالمرحلة لي نموروا باها أكنا توة .

نشالة الشعب يفيق قبل ما يفوت الفوت و يغير المصير المحتوم لأحنى ماشينلو توة .

و أنا واحد من ناس صبري نفذ من هاكا العام و نحب نعمل حاجة باش نردع السلطة و نوقف النزيف لكني وحدي و وحدي ما نجم نعمل حتى شيء .

حق الرد على مواطن إنتقد أداء بعض الصحفيين

قبيلة و أنا نتفرج في قناة باعث القناة و بالتحديد في البرنامج متع هالة الذوادي فما مواطن تعدى في روبرتاج و قال يلزم النهضة تقضي على الإعلام "المقمل" أو حاجة كيما هكا منتذكرش كلاموا بالضبط .

خويا ... دولة سيد الوالد بش الإعلام لي ميعجبكش تطلب من الحزب الحاكم أنو يرتحك منو .
فاش خير توا إنتي من بن علي بش لي ما يعجبكش يلزم تقضي عليه هاك طلعت ضد حرية التعبير و الصحافة لي إنتي نهار كامل كمواطن تحكي بالثورة و الثورة و عملنا الثورة إلخ إلخ ...
و شخصيا عجبني رد هيثم المكي على السيد هذا و حكى إنو السيد هذا أخر واحد يجبد على المقملين خاطر كي تشوفو السيد هذا كي قال مقملين تقولش عليه يحكي على روحو .

ما دمرها البلاد كان الأمثال متع الشخص هذا إلي يبدى 0 ثقافة و 0 في كل شيءو يحكي و يعطي في وجهة نضرو في حجات خاطيتو متمتلوش أي صيلة وماهوا فاهم منها شيء .

متى تنتهي إنفجارات الشعانبي

سؤال حير الملايين من الشعب التونسي . تحية إكبار إلى رجال تونس من الجيش الوطني لي قاعدين يضحيو بحياتهم من أجل أمن و إستقلال الوطن و لا عزاء على الطحانة إلي تربط في الإنفجارات ببث برنامج التاسعة مساء و إلي هوما ديما نقول ميرتقوش لمرتبة إنسان .
فينا يخص وقتاش توفى الإنفجارات وقت لي حب ربي ثم الغنوشي

أسباب تراكم النفايات في الشوارع التونسية

لاحظ الجميع في الآونة الأخيرة تراكم الزبالة في الشوارع مما سبب رواءح كريهة و ضروف مناسبة لتكاثر الحشرات التي جعلت العديد من المواطنين في حالة إشمإزاز و إنزعاج .
حسب رأيي المشكل حسب البعض هو من عمال النضافة الذي بعد أن ترسموا أصبحوا متملحين و لا مبالين لأنهم يعرفون أنه لن يتم طردهم بينما في السابق كانوا قريب "يلحسوها" البلاصة بلناتهم باش تنضاف لأنهم كانوا على الحضاءر و لا يعرفون متى يتم طردهم .
مانيش بش نحمل المسؤولية كاملة لعمال النضافة كاملة خاطر كي نشوف بعض مواطنين كيفاش يتصرفوا ما إنجم نصنفهم كان مع الحيوانات الكالشة مش مع المواطنين مع إحترامي لبعض الحيوانات إلي تتصرف بطريقة حضارية أكثر من ها الجرذان .
مثلا مرة عامل النضافة يلم في الزبلة جاء مواطن وقف و طاح يصيح : يا زبال يا زبال شبيك بهيم الساك لي خليتوا في الحاوية متع الزبلو علاش تهز فيه .
على أساس السيد هاذا ماشي في بالوا خزانة مش حاوية متع زبلة الراجل يخبي في السيكان غاديكة .
و كي سإلوا العامل قالو علاش غلطت طيشت حاجة ماكش بلعاني ... طلعوا شنوة جاوب المواطن ... قالو خبيت فيه التليكومند متع التلفزة بش المادام متبدلش القناة .
نضرب راسي على الحيط و عاد آنا بش نموت بالضحك من غادي قالي ياخي عمرك مخبيت التليكومند على مرتك جاوبتو قتلوا أول حاجة منيش معرس و ثاني حاجة كان تحب المادام معادش تبدل عليك القناة خبي البلات مالطيشش التيليكوموند في الزبلة .
هذا الكل و محكيتش على بعض الكاءنات إلي تسمي في روحها بشر إلي هوما يحطوا الحاوية منا و هو يروح باها من غادي مبعد متحبوش عامل النضافة ما يتيقرش من الوضع ... و إلخ إلخ من المضحكات المبكيات .

Complete support of journalists and bloggers arrested in turkey

We , the World Wild Web blog support our friends journalists, activists and bloggers arrested and tortured by the regime because of their anti governoment ptotest .
بالطبيعة مننسوش لي تونس زادة حالتها منيكة أصل وفاها واحد ميبون إسموا راشد لخريجي يلزم نقضوا عليه و نتلهوا في البلدان الأجنبية  .

مساندة تامة لأشقاءنا المدونين و الصحفيين بتركية

القمع البوليسي الذي يتعرض له المدونين و الصحفيين شيء مهول و لا يمكن تصديقه .
قالو إسلام معتدل و المثال التركي إلي يحب الغنوشي زعمة زعمة يطبقهونا في تونس .
الحاصل ربي معاهم في ضل التعذيب و القمع لي قاعدين يتعرضولوا