يا نعيشوا عيشة فل يا نتهزوا الناس الكل

هايل ياسر ولينا نهار مبعد نهار كل مرة نسمعوا بصحافي تكرفت على قضاية أقل ما نجموا نقولوا علاها فاشلة و بهيمة حتى زهير الجيس إلي لا يحك لا يصك ما سلمش منكم تحاكموا فيه علي قالوا الضيف متاعوا .
نمشيو بجدية أكثر في الموضوع كان مش نخوضوا في حكاية نشر الأخبار الزاءفة عنى ما يكفي باش نحطوا شطر المسؤولين في الحبس أبداها بطرشقانا لطروش و ديلو وإنتي جاي و كل شيء موثق في كيما قال الشيخ .
من 14 جانفي لتوة كان نعملوا حصيلة الإعتقالت نلقاو : صحفيين ، مدونين ، محامين ، و أربعة وزرة و رأيس قناة مبعد عام سيبوهم .
و في الحكاية نتسموا طحانة يا نتحاكموا مع بعضنا الكل و ندخلوا للحبس يا نكونوا الكل البرة .
من  الإخر تحاكمو مدون يخرجولك سبعة ألاف مدون إلي باش تحاكموه باش يخرجلكم ألف واحد كيفوا و نشوفوا شكون باش يخرى في كيف الأخر الاول .