الساحة السياسية التونسية : بين السجون و مزبلة التاريخ

موجة الإيقافات التعسفية لي قاعدة تقوم باها السلطة هي بيدها لي قامت باها حكومة المخلوع بين 6 و 13 جانفي و أهدافها واضحة منيش باش نقعد نعاود فاها . نهار الأربعة لي فاتت في الوقفة الدورية متع شكون قتل شكري سمعت المنجي الرحوي قال : النهضة تحب تهز الحوار لطريق مسدود ... يا سي المنجي هو مبدأيا ميلزمش يكون فما حوار من أصلوا خاطر بن علي كان نسيت و إلا تناسيت متحورناش معاه خاطر لا مجال للحوار مع الإرهابيين . معنا يا سي المنجي هو يقتلك  "أفراد عايلتك" السياسية و إنتي تحب تتحاور معاه ... مستوى متدني وصلتلوا الساحة السياسية التونسية و بالخصوص المعارضة إلي زادت قسمت الشعب بالبهامة و القرارات الفاشلة في عوض ما توحدوا . و زدت تأكدت لي حركة النهضة بالرغم أنوا رصيدها في الدهاء السياسي يساوي صفر باش تحكم عشرين سنة أخرى على خاطر المعارضة رصيدها من الدهاء السياسي تحت الصفر . و في وسط هذا الكل شكون خاسر... الشعب . الشعب باش يتحشالوا خاطر وقت لي يجد الجد إلي يسميو في رواحهم أحزاب معارضة الكلها باش تشد طريق الأوروب* و الشعب هو لي باش يتدزلوا و حاسب لي ريتوا البارح و اليوم من إيقافات للشباب المبدع و الفنانين سي ديجا بدا يدزلوا .
و نحب نزيد حاجة أخرى ... باللاهي الجماعة لي جايبين فاها شباب متحزب ... خريتو فيه ؟ أعداء الثورة و خونة بإمتياز طيحتولنا قدرنا خليتوا كمشة شياب يتحكموا في مصير شعب كامل . و هي تناكت تناكت خلي نصفي حساباتي مع الناس الكل ... نرجع شوية للسلطة نحب نقلها خريت فيه زادة إنتي ... شباب عطاك ثورة عمرك مكنت تحلم باها تكافؤوه بالطريقة هذيكا . و في الخر بلاصتكم بين برج الرومي و بشوشة و الجبانة و مزبلة التاريخ
*L'europe