الأعياد الوطنية : تركب عليها الأحزاب و يبقى الشعب ينش في الذباب

كيما العادة و العوايد في كل عيد وطني لازم أحزاب الهشك بشك تخرج باش تستغلوا لأهداف إنتخابية بحتة و بش تحاول تطلع في سبر الآراء . متناسين رمزية هاته الأعياد فهم وين يلقوا الفرصة باش يقوموا بحملاتهم الإنتخابية ما يفلتوهاش . وكيما العادة هام جماعة النهضة إصطدموا بجماعة النداء و تبادلوا الشتاءم باش يوري رواحهم نحن الأقوى ووقت ما نحبوا إنجموا نحشدوا الجماهير . الأحزاب هاذي الكل عملت العار بالقناصة إشاعة و بأحداث الرش وصولا إلى نم يا حبيبي نم . لا عنا شكون قتل بلعيد لا خذينا حق الشهداء و الجرحى قعدنا نتفرجو في المسرحية التراجيدية الفاشلة لخلات الشعب متأرم بطولة النهضة و الجبهة و النداء . يجب على المجتمع المدني أن يتحرك لوقف هاذا السرك و الأخذ بزمام الأمور قبل ما يفوت الفوت . ملخر ببهامتنا جبناه لرواحنا و كيم قال الشاعر و المفكر klay bbj : مت حشاهولنا حد أحنا حشيناهولنا . والسلام