هذا فبحيث إمتحان تعرف بيه مدى فهمك و معرفتك بالشأن العام في البلاد . إمتحان ساهل تنجم تقيم بيه روحك هل أنت مواطن واعي أو دابة تاكل و تخرى و ساعة ساعة ترقد .
ملاحظة : الغش ممنووووع 

القسم الأول : الإيقافات العشوائية


1- شكون من الرابورات هذوما قبل و بعد 14 جانفي مزال ما دخلش للحبس ؟ :

1- كلاي ببج
2-بسيكو ام
3- فينيكس
4- ولد الكانز
5- مادو إم سي

2- بعد الثورة شكون من الصحافيين هذوما مزال ما تحاكمش 

1- زياد الهاني
2- زهير الجيس
3- هيثم المكي

3- شكون من المبدعين هذوما في الوقت الحالي مهوش في الحبس

1- عبد اله يحيى
2- نجيب العبيدي
3- سليم عبيدة


القسم الثاني : إعلام العار

1- من بين هؤلاء من هو الصحفي الذي ليس أصلع

1- نوفل الورتاني
2- إلياس الغربي
3-مقداد الماجري

2- من بين هؤلاء الصحافيين شكون باع روحو لشفيق الجراية

1- حسام الحجلاوي
2- وليد الماجري
3- رمزي بالطيبي

3- من بين هاته القنوات التلفزية أناهي القنات إلي راس مالها 30 مليون و متعملش اشهار عندها عامين و لتوة ما فلست 

1- الزيتونة تي في
2- الجزيرة الرياضية
3- قنات 21


القسم الثالث : من القائل ؟

1- من القائل : يبيراتيلك الكونت فايسبوك متاعك و يتليشارجي الكتاب بي دي اف ؟

1- إلياس الفخفاخ
2- ألفة يوسف
3- نوفل الورتاني

2- من القائل : أنا رجل سياسة ؟

1- الحبيب خضر
2- البحري الجلاصي
3- العربي نصرة

3- من القائل : إلي يحب ينحي النهضة بالحوار كيما لي عندو كونسير و يدهن في ترمتو بالفيكس

1- توفيق بن بريك

2- رجاء بن سلامة
3- عزيز عمامي

القسم الرابع : فايسبوكيات

1- من صاحب أكبر ليستة متع بلوكاج في الفايسبوك من بين هؤلاء

1-سمير الوافي
2- ياسين العياري
3- أمين مطيراوي

2- قداش فمة من حساب و صفحة على الفيسبوك يحكوا بإسم قيس سعيد

1- 25 
2- 15
3- 16

3- من هي أكثر شخصية على الفايسبوك عندها القبول

1- أمين المطيراوي
2 فريد الباجي
3- السيدة المنوبية


و الآن السؤال الأصعب الذي عقد ملايين من العلماء 

قداش من النقطة جابها النادي الإفريقي من البلاي أوف

1- .
2- نقطة
3- 1

الإصلاح توة فبحيث :

1- أقل من أربعة اجابات صحاح : يعني ماكش لاهي جملة و باعثها تنيك و نحيي الاشخاص الكل لي جابوا أقل من أربعة اجابات صحاح يعطيكم الصحة رابحين عقولكم و راحةبالكم

2- بين أربعة و ثمنية اجابات صحاح : قاعد عاطي ما عندك تحب الوضع لكن محب شيء يدخل المخك

3- اكثر من ثمانية اجابات صحاح : النجمو نقولوا أنك قاعد تستوعب و تفهم في اللعبة السياسية  

و السؤال لقعد مخصص للزناطير شعلينا فاهم

شكرا .

تحبوا تقتلوا إخوانكم المسلمين و التوانسا ،تحبوا ترضيو أسيادكم القطريين و الأمريكان ... ليوم بش نعطيكم الطريقة المثالية بش تولوا سلفيين جهاديين على قاعدة صحيحة .
أول حاجة هي يلزكم الطول في اللحية و تنقص في شلاغمك و تشري قميص وهو متوفرة في جميع النصب أمام المساجد خاطر الهندام و الطلعة البهية مهمين برشة في المجال هذا .
ثاني حاجة وهي أيضا متعلقة بالمضهر هي العطر ... العطر عندوا أهمية كبرى كيفاش مالا تحب تولي سلفي منغير عطر ؟؟؟ مالا تعرف شنوة تعمل توة كيما العادة النصبة لي مقابلة أقرب مسجد لداركم و تصنع جوك العطر هاوينوا أنواع و أشكال و يلزم ريحت العطر تكون تفحفح على بعد زوز كيلوماااااتر (copyright bahri jlasi) .
ثالث حاجة هو المستوى التعليمي و الثقافي لي لازم يتمتع بيه الشاب السلفي ... مش مشكل كانك ما فتش السيزيام بلعكس لعباد ليكيفك مطلوبين ليوم يلزمك تكون 0% ثقافة 100% بهامة ومش مشكل زادة كان ماكش حافض حتى كلمة من القرآن و إلا متصليش عاد جدا وتنجم تتجاوزوا العاءق هاذا .
رابع حاجة يلزمك تكون متناقض في أفكارك والنقطة هاذي يتشارك فاها السلفي و النهضاوي .
مثلا يلزمك تعفس على علم أمريكا بسبادري أزيكس أو أديداس إذا إسطتعتم إله سبيل .
مثال أخر يلزمك تحب القرضاوي و تكره قطر خاطرها بنت أمريكا المدللة .
خامس حاجة هي يلزمك تكون مستعد للجهاد في سورية في أي وقت ديما الكفن متاعك يبدى محطوط على جنب في حالت ما عيطولك بش تجاهد تحطوا على ضهرك و تشد الربعي .
و زادة مش مشكل كان خليت والديك يتعذبوا و محروقين عليك خاطر مش تحت أقدام أمك الجنة بل تحد أقدام زعيم جبهة النصرة و جماعة أنصار الشريعة خاطهمر هوما يعرفوا مصلحتك أكثر من أمك .
حاجة أخرى يلزمك تكون ذو بنية جسدية باهية و متدرب على حمل السلاح ... مش زلاط توا ولا فاها كالاشنيكوف اللعبة معناها لازم تكون محضر روحك أما زادة مش مشكل إذا معندكش بنية جسدية باهية و إلا عندك إعاقة جسدية و إلا حتى مشلول جملة وحدة المهم تكون حاضر وين الكرتوش يخيط .
الحاصل لازمك تتمتع بالبهامة و التعنطيز و إلي يخالفك في الرأي متتردش بش تعطيه الصرفاق .
و إلى اللقاء و الجمعة الجاية كي العادة نحكيلكم على مجال جديد تنجموا تتميزوا فيه .

قرر الهاشمي الحامدي الفاتق الناطق السابق بإسم العريضة الشعبية حل هذا الأخير و إعتزال السياسة لأسباب مجهولة في إنتضار تأكيد الخبر من الذي كنا نعتبره رأيس تونس المستقبلي . خسارة كبيرة للساحة السياسية التونسية التي فقدت أحد القوى السياسية المضحكة و الكوميدية على مر التاريخ . إن لله و إن إليه راجعون في إنتضار الموت السياسي لكل من السبسي و البحري الجلاصي .

ﻧﺠﺤﺖ ﺳﻬﺎﻡ ﻭ ﻓﺸﻠﺖ ﺍﻟﻤﻌﺎﺭﺿﺔ: ﻧﻜﺒﺘﻨﺎ ﻓﻲ ﺗﺸﺮﺫﻣﻨﺎ ﻻ‌ ﺃﻋﻠﻢ ﺑﺄﻱ ﻏﺒﺎﺀ ﻳﺘﺼﺮﻓﻮﻥ ﻭ ﺑﺄﻱ ﻋﻘﻠﻴﺔ ﻳﺘﺒﻌﻮﻥ...ﺩﺍﺋﻤﺎ ﻳﺪﺧﻠﻮﻥ ﻓﻲ ﻣﻌﺎﺭﻙ ﺧﺎﺳﺮﺓ ...ﻟﻢ ﻳﺘﻌﻠﻤﻮﺍ ﻣﻦ ﺗﺠﺮﺑﺔ 23 ﺃﻛﺘﻮﺑﺮ ﻭ ﻟﻢ ﻳﻘﻴﻤﻮﺍ ﻭﺍﻗﻌﻬﻢ...ﻣﺸﻜﻠﺘﻦﺍ ﻓﻲ ﻋﺪﻡ ﻗﺪﺭﺗﻬﻢ ﻋﻠﻰ ﺍﻟﺤﺴﺎﺏ...ﺍﻟﺪﺳﺘﻮﺭ ﺳﻮﻑ ﻳﻤﺮﺭ...ﺍﻹ‌ﻧﺘﺨﺎﺏﺍﺕ ﺳﻮﻑ ﻳﻬﺰﻣﻮﻥ ﻣﺎﺩﺍﻣﻮﺍ ﻣﺘﻔﺮﻗﻮﻥ ﻭ ﻣﺘﺸﺮﺫﻣﻮﻥ . بلاهي كفاش 77 من نواب يصححو مبعد يصوت كان 70 هاذا لكل إستخفاف بالشعب و لامبالات به . يجب حل المجلس التأسيسي لكن حيب رأيي صعيب ياسر بالمجتمع المدني متع نحن ضد العنف و متضربنيش وووو . و السلام

كيما العادة و العوايد في كل عيد وطني لازم أحزاب الهشك بشك تخرج باش تستغلوا لأهداف إنتخابية بحتة و بش تحاول تطلع في سبر الآراء . متناسين رمزية هاته الأعياد فهم وين يلقوا الفرصة باش يقوموا بحملاتهم الإنتخابية ما يفلتوهاش . وكيما العادة هام جماعة النهضة إصطدموا بجماعة النداء و تبادلوا الشتاءم باش يوري رواحهم نحن الأقوى ووقت ما نحبوا إنجموا نحشدوا الجماهير . الأحزاب هاذي الكل عملت العار بالقناصة إشاعة و بأحداث الرش وصولا إلى نم يا حبيبي نم . لا عنا شكون قتل بلعيد لا خذينا حق الشهداء و الجرحى قعدنا نتفرجو في المسرحية التراجيدية الفاشلة لخلات الشعب متأرم بطولة النهضة و الجبهة و النداء . يجب على المجتمع المدني أن يتحرك لوقف هاذا السرك و الأخذ بزمام الأمور قبل ما يفوت الفوت . ملخر ببهامتنا جبناه لرواحنا و كيم قال الشاعر و المفكر klay bbj : مت حشاهولنا حد أحنا حشيناهولنا . والسلام

تنجمو تلاحضوا في الصورة هنا جماعة (صفحات فايسبوك) قاعدة تتهم في بن تيشة بالعمالة و لي هو كيما مكتوب عقوبتها الإعدام . كيفاش عرفوه لي الرقم 44449 ولى شنوة هو ال matricule متاعو و إلا هذاكا نومرو تليفونو ! معناها آنا تو نهبط تخلويضة بالعبري و نومرو من الحيط نقلكم أهوكا فلان الفلاني إهجموا عليه راهو عميل وإلخ إلخ . المشكلة هنا مش أدمينات الفايسبوك خاطر هكاكا مخاخهم مربطين ... المشكلة لي العباد لي تساند فاهم من غير ما يشككو في شيئ كي القطيع متع الجرذان المرومينو بالخبز اليابس . مفهمتش مستوى الجهل و البهامة لي وصلتلو فءة من الشعب باش يصدقو حاجات كيما هكاكا من غير ما يثبتو و إلا يترجمو الأسامي العبرية لمدوهملهم هكاكا أي حاجة يقدموهالهم ياكلوها تبدا مسممة و إلا وافية صلوحيتها و لا ياكلوها وكي تقلو رد بالك و فيق على وضعك يطيح يسب فيك يا ماسوني يادرا شنوة ... من لخر لعباد هاذي كان متفقيش لي لعباد هاذوكم الأدمينات و إلخ قاعدة تبرول فاهم بالتفاهات يمشو ينتحروا وإلا يشوف حل لحياتهم . والسلام .

JERUSALEM — Israël a subi une attaque informatique massive mais a réussi dans un premier temps à limiter les dégâts grâce à une meilleure préparation qu'il y a un an, a assuré dimanche l'un des experts informatiques les plus reconnus du pays. Le groupe de pirates informatiques Anonymous a annoncé samedi une grande attaque dimanche sur les sites internet israéliens, avec pour objectif d'"effacer Israël du cyber-espace", en solidarité avec le peuple palestinien. Mais dimanche en fin de matinée, les dégâts étaient "plus ou moins inexistants", a assuré à la radio militaire le professeur Yitzhak ben Israël, fondateur d'un centre national contre la cybercriminalité qui dépend du bureau du Premier ministre Benjamin Netanyahu. L'attaque a touché en particulier les sites du Premier ministre, des ministères de la Défense et de l'Education, ainsi que le Bureau central des statistiques, mais tous ces sites semblaient fonctionner normalement dimanche. Dans l'après-midi, le site du ministère des Affaires étrangères a été "paralysé durant quelques moments avant de reprendre normalement", a affirmé un communiqué du ministère des Finances qui n'a pas exclu "un ralentissement ou des coupures momentanées de certains sites officielles". Le ministère a également appelé le public à s'adresser au site gouvernemental www.gov-net.gov.il  pour pouvoir continuer à surfer sur le net "en toute sécurité". "Anonymous n'a pas la capacité, ni l'objectif, de détruire les infrastructures essentielles du pays. Si cela avait été le cas, il ne l'aurait pas annoncé à l'avance", avait auparavant expliqué M. Ben Israël, estimant que le groupe cherchait plutôt à relancer le débat sur le conflit israélo-palestinien. "Le pays était bien mieux préparé qu'il y a un an, lors d'une vague d'attaques contre la Bourse et (la compagnie aérienne) El Al et d'autres sites. Cette fois-ci l'attaque est plus massive et plus intense, mais nous sommes mieux préparés", a-t-il insisté, en référence à une attaque début 2012. Selon Guy Mizrahi, co-fondateur de Cyberia, une agence de consultants en protection de données, les sites internet israéliens subissent une "attaque importante" depuis plusieurs jours. "Hier (samedi), il y a eu une vraie tempête, pas mal de sites gouvernementaux piratés, avec des messages laissés sur certains et des données dérobées sur d'autres", a-t-il déclaré à la radio publique. En novembre, le groupe Anonymous avait déjà lancé une attaque contre de nombreux sites israéliens, et affirmé avoir bloqué ou vidé près de 700 sites, pour protester contre l'offensive militaire israélienne contre la bande de Gaza. Copyright © 2013 AFP. Tous droits réservés. 

الجميع يتذكر في عهد المخلوع. الراقبة و الصنصرة المسلطة على وساءل الإعلام و الإتصال و منها الإنترنات فكانت مدونات و مواقع الحقوقيين و المناضلين مثل سفيان الشرابي ، لينا بن مهني ، زهير اليحياوي (الله يرحمو) ، و سليم عمامو وعيرهم كانت محجوبة بتعلة تعكيرها للصفو العام و دعوتها إلى العنف وإلخ إلخ من التهم الوافية صلوحيتها إلي تصطنبط فاهم وزارة العدل . و قبل كانت الوكالة التونسية للانترنات هي لي تتخكم فلي يتعدا و لي ميتعداش . زعمة الرقابة تنحت وإلا مزالت بعد ثورة الحرية و الكرامة ؟ فما شكون يقول إي تنحت الرقابة و ولات مواقع الانترنات تنجم تعدي لي تحب و ما يكلمها حد . ضاهرا صحبح معادش فما رقابة أما لحضة برك هاو جايكم العرض . قبل كيما حكيتلكم الوكالة التونسية للانترنات هي لي تقوم بالخدمة متع المراقبة لكن بعد الثورة تبدلت الامور معناها فما هيكل آخر قاعد يقوم بالخدمة هاذي . في الأسبوع المنقضي في جريدة آخر خبر هبط مقال فيه أنو الحكومة شرت بمليار و نص معدات متع تنصت للهواتف و المراقبة بصفة عامة . مضاهرلي كان جهاز الرقابة يخدمو تحت شجرة متع زيتون يلزم يكونوا تحت حت لواء جهاز رسمي بش تكون لأمور قانونية و بروفيسيونال . سمعنا في الأيامات لخرانية أنو وزير الداخلية يحب يعمل جهاز زعمة زعمة يراقب في جراءم الإنترنات و الله و أعلم وين وصلت لحكاي . مالا نعلمكم يا سيدي و برشة فيبالهم لي المراقب متنحتش ليومنا هاذا . العباد هاذوما يخدمو توة في وزارة الداخلية من وقت لعريض و لكن الوزير الجديد يحب يردهم يخدمو في العلن معناها نراقبوك و تخرالنا فيه و راو القانون يحمينا . عندي معلومات مؤكدة من مصدر تابع لحركة النهضة أنو المهمة الأساسية متاعهم هي مراقبة حسابات الفايسبوك ثم المدونات و المواقع الإخبارية نلاحضو أنهم معادش يصنصرو ولو يراقبو بركة و الأرقام لي عندي هو أنو قرابة 30 ألف حساب فايسبوك ينم مراقبته بالتدقيق . ولكن جاني مساج من عند شخص (الصورة 1) يقوم بتهديدي و تلاحضوا قالي ماشي لوزارة الداخلية باش يخبر عليا معناه رجعنا لتضام الصبة متع قبل . و لكن بعد ما بحثت أكثر و رىدت دققت إتضح أنو الشخص هاذا من شباب حركة النهضة و عندي ليه تصويرتين في المؤتمر التاسع لحركة النهضة مع سمير ديلو و لطفي زيتون و صورة أخرى مع رابطات حماية الثورة في مضاهرة من المضاهرات الشكوطومية . ولكن الغريب في الحكاية أنو بعد موصلولي الرساءل على الفايسبوك يمكن بعشرين ثانية تم قرصنة حسابي الشخصي . زعمة صدفة أنو بعد ما هددني بالداخلية ببضع ثواني يتقرصن الحساب ؟ صعيب ياسر . آنا هذا شنوة نجمت توصتلو من عند المصدر متاعي لكن معنديش معلومات على شكون لي يخدم فيه جهاز المراقبة هاذا و شكون الأشخاص و المواقع لي مركزين علاهم و نشاله صحفيين لإختصاصهم إستقصاء الحقاءق يتفطنوا لوجود لجهاز هاذا و طتلعوا شكون لي يخدم فيه بالضبط لأنو من جيهتي آنا طريق مزدودة جميع المصادر لي عندي من أعضاء حركة النهضة و شبابها رفضو يمدوني بتفاصيل أكثر . و إنشاء الله يضهر الحق خلي الشعب يعرف حقيقة لعباد لي نتخبوهم و حطوهم في الحكم . والسلام .

ليوم بش نحكيلكم على ال desinformation و كيفية محاولة مغالطة الرأي العام بنشر الإذاعات و الأكذيب لصالح أطراف و أحزاب سياسية من جميع التوجهات . الشعب التونسي بصفة عامة شعب ساذج : يصدق الحاجة لي مدوهالو من غير ما يثبت في صحتها من عدمها أو مصدرها و هاي جايتكم الأمثلة بالتصاور . الفايسبوك مبعد الثورة أصبح مصدر هام للأخبار و ذالك لمساهمة الكبيرة في الإطاحة بالنضام و لكن ليوم الرهوط لترتع فيه كيما تحب و هي لي تفعفع و عندها الكلمة . أدمينات الفايسبوك كل لحضة يهبطلك فيديو و إلا تصاور متع الأحداث لي تصير معناها فما مجهود و خدمة ... زعمة هاذوما هكاكا عاملين باجات عالجو هالقيا متعمل . تقريبا 90% من الأدمينات تخلص من عند الأحزاب . هاذكا علاش آنا حاولت بش ندخل أدمين في بعض الصفحات لكنهم لكل وقفولي سد منيع ما عدى صفحتين لقبلو الفكرة أني ننضم لاهم . ولكن بعد أيامات قامت الصفحة الأولى بطردي بتعلة ضعف نشاطي على الصفحة ولكن صاحب الصفحة كل ما أقوم بنشر مقال ضد نداء تونس أو السبسي يقوم بفسخه . و الصفحة الثانية حكايتها حكاية ... قلتلها خرجني مالباج هاو باش جاوبتني (الصورة 2) و شوف لعباد إلوطا كي البهايم صدقوها وفما شكون بعثلي ميساج يتهم فيا بكوني نهضاوي (الصورة 3) .هاذا لكل خاتر قلتلها معاش عيني بش نخدم في الباج . معضم أدمينات صفحات المعارضة لها ميل واضح لنداء تونس أما مزال معنديش الدليل قداش يخلصو و منين بضبط يخلصو . و بغص النض عن الفايسبوك فالمواقع الإخبارية تتقاضى أمول من بعض الأطراف لخدمة أجندته و من الأمثلة خبر عدم إغتصاب صاحبة الثلاث سنوات و هو خبر قام بنشره جميع صفحات الفايسبوك ببهامة دون التثبت و عدة أمثلة أخرى متع مغالطات لا يحصو و لا يعدو تو نلمهملكم في مقال وحدو بش تشوفو أنو البهامة تفشت بشكل كبير في صفوف المواطنين بعد الثورة . في الآخر حبيت نقول تم قرصنة حسابي الشخصي مرة أخرى على الفايسبوك ورجعتو ونحب نقول للشخص هاذا لي ديما مركز معايا حاول لا تيأس و تو مرة أخرى نعطيكم مقال كامل حولة عمليات القرصنة لي صارتلي و نكشفلكم تورط وزارة الداخلية في مراقبة وقرصنة الحسابات الفاسبوكية . والسلام .

أدمينات الباجات و مش لكل بهايم على بعضها و بهايم بالمشطى زادة . يتبعولي في نسمة لي مقعد فاها كان أربعة صحفيين حتى من أحمد المغيربي هج منها . الخلاصة يجب على أدمينات الفايسبوك ينقصوا من البهامة و التهور و يتأكدو من مصدر الخبر قبل نشره و عدم تغليط الرأي العام بالأخبار الزاءفة من أجل جمع الجامات و تكبير الصفحات لكراءها أو بيعها .
من لخر الباجات متع قداش من جام للبجبوج و درا شنوة هي سبب لخرى لي منتشر ليوم على الفايسبوك. وزيد كملوها ليوم بكذبة أفريل . حسيلو لعبد كرهوه في الفايسبوك و الإنترنات ومن العيشة جملة معناها واحد هارب من بهامة الإعلام في التلفزة يلقى التبهليل و الغباء على الفايسبوك. وحتى من تويتر زادة بدو يهجموا عليه البهايم . ربي يهدي وكهو .

السلام عليكم .

بربي فهموني حكاية :

توا هل عباد هاذي إلي جاية من البرازيل و من الأرجنتين زعمة فاهمين شنية الرأس مالية و شنية إشتراكية و شيوعية ؟؟؟

توا يجو في طيارات مصنوعين يا عند إيرباص وإلا بوينغ و يركب في تاكسي مصنوعة من قبل جنرال موتوز و مبعد يجيب أيباد و إلا سامسونغ غلاكسي إس 3 باش يصور مسيرة يصيح فاها ضد الرأس مالية !

إنتي عايش من الشركات الرأس مالية كان مجاتش الكراهب لي تصنع فاهم الشركات هذيكا راك كي تجي لتونس تجاهة على متن بهيمة .

عرفت لعباد هاذوما كيما السلفيين تلقاه لابس سبيدري نايك و يعفس بيه في علم أمريكا بش يوريك التناقض في كلامهم لعباد هاذي .

لذا أخي المواطن كيما قال هيثم المكي سابقا حاول تحل مخك و أنستالي بروكسي .

شعب يقدر من هب و دب يعملو manipulation وهو يضحك ومعلابالو بالطقص .

والسلام عليكم و رحمة الله و بركاته .

هام قالوا بن جدو يحب يعمل رقابة على الإنترنات هههههه منعرش كان الخبر هاذا صحيح و إلا لا أما الخبر إلي متأكد منوا أن كلاب الداخلية من رجال الأمن في إشتبكات مع المواطنين في قفصة وفما شكون يحكي حتى على إستعمال الرش ... إي نعم الرش .
حفلتها على الدخلة سي الشباب !!! بديت بقوة توري فينا في قدك و قداكش رجل المرحلة و الطبق في القانون .
القانون متعرفوا الطبقوه كان على المواطنين الزواولة إلي يطالبوا بأبسط المتطلبات كالتشغيل و الأمن لي هوما حق من حقوقو . علاش مالطبقوش القانون على الطحانة متاعكم من رابطات حمايتكم علاش القانون ما يطبقش على مهربي السلاح و شبكات إرسال الشباب إلى سورية علااااااش . فم نهار بش ناقفوا الكل قدام ربي و الناس الكل بش تتحاسب معناها كان فلتوا منا في الدنية هاذي معندك م فين هاربين في الآخرة .
والسلام