في خصوص قضية البوليسية كلاب

لكل 100% سمعتو بمحاكمة الرابور ولد ال 15 على خلفية نقدو لجهاز الأمن . ليوم عندي برشا نقاط باش نحكي فاهم و نفسرهم .

فما حاجة يلزم نتفاهمو فاها إلي بش يبدى يكسرلي في راسي و يقلي الأمن يحمي فيك و درا شنوة يخرج مالمدونة و يمشي يشوف حاجة يلعب باها خاتر الأمن لا نهار جا معا المواطن و إلا حمى المواطن و تو نفسرلكم علاش .

أول نقطة هي الجبن متع الجهاز الأمني و خوفوا من إلي يشوف فاهم أسيادو .
علاش كي الباجي قايد السبسي قال على فءة من البوليسية قرودة محل حد فيكم كشختو و إلا القرد أشرف من الكلب وإلا زايد عليه بحاجة.
متجوا زعام كان على المواطن الزوالي باش تستعرضو عضلاتكم و تورولنا قداشكم تحموا في الوطن .

النقطة الثانية هي علاش كي الأمني يسب المواطن الزوالي و يمسح بيه الأرض مسموح به و داخل في أطار فرض هبة الدولة و سيادة الدولة و كي المواطن يوجه نقدو للأمن و إلا يسبو يردوها قضية رأي عام و لا شوف هوما يشدونا و يمرمدونا و يدخلونا للحبس بتهم مضحكة نسكتو أما هوما كي يتسبو تقيم القيامة .

نقطة أخرى نحب نوضحها علاش مسإلهوش الرابور هاذا علاش سبيت البوليسية علاش طول تلوحو في العباد في الحبس منغير متخلوهم يبرروا مواقفهم و يدافعو على رواحهم .
الرابور هاذا ضلمو البوليس و حطو في الحبس قبل هاذاكا علاش قعد ناقم عليه كيما الشعب الكل .
البوليس لا نهار دافع على المواطن ضربنا قبل الثورة و مبعدها و في 9 أفريل و في سليانة في أحداث الرش .
وزيد فوف هاذا لكل الإختلاف الواضح في موازين القوى بيننا و بينهم أحنا عنا الفن و الموزيكا باش نواجهو باها اللاكريموجان و المتراك .

آخر حاجة نحب نقولها أنو الرابول lil k هو زادة محكوم عليه لمساندتو لولد ال 15 قال في الراديو لي هوة يحب يبيع جنسيتو التونسية . الكلام هاذة م لازموش يتقال في وساءل الإعلام لأنو الباسبور الأخضر يمكن يستعمل في ياسر حاجات كيما تركيح الطاولة لساقها معوجة و عندو ياسر إستعمالات أخرى لذا يلزمو يعاود يخمم في موضوع بيعو للجنسية إلي صعيب ياسر أنو يلقى لاها مشتري.

و توة نقلكم ألى اللقاء في مقال أخر و موضوع أخر .

A.C.A.B