الحل بكل ديموغرافية الشعب هو التوقف عن التطبيع مع البهامة... كيفاش ؟
مثلا علا سبيل الذكر لا للحصر ما نخلوش شكون يلوج على المعلومة في بلاصتنا و مبعد يعطينا ال interpretation متاعوا .
أخي الكريم متستناش باج فايسبوك و إلا إمام جامع يجيبلك المعلومة و هو يهزك و يجيبك كيما يحب .
المعلومة تلوج علاها و حدك و تحللها و حدك و تفهمها وحدك... و نعاودها وحدك و مبعد كان تحب تسمع أراء مخالفة إنتي حر .
جبدت على الموضوع هذا ردا علا بلعوط وزارة الشؤون الدينية على خاطروا يكذب على العباد تجييشا لمشاعرهم و غيرتهم على الدين للهجوم على المعتصمين في باردو و التسبب في لا قدر الله حرب أهلية و هذا الكل يصب في مصلحة النهضة 
لذا نداء عاجل للمواطنين ثبتوا في مصدر الحربوشة و مكوناتها قبل ما تشربوها .

البلاد هاذي تمر بأزمة مالية خانقة بسبب حكم الإخوان . و خاطر ديما يقوللنا شبيكم تنبروا و معارضة هدامة إلخ إلخ ليوم قررت بش نقطرح حلول للأزمة العويصة لتعاني فاها تونس .
1- الإستماع إلى الأغاني حرام و منكر و من مخلفات الإستماع إلى الغناء إرتفاح أسعار الفول المدمس و البصل و فلفل بار لعبيد .
2- حلق اللحية محرم لأنه معصية و خروج عن هدي المرسلين و دخول إلى هدي المجوس و المشركين . فالواجب الحذر من ذلك لما فيه من عواقب و خيمة كإنخفاض مؤشرات البورصة و إرتفاع نسبة التضخم و يساهم عدم حلق اللحية في القضاء على شركة gilette الماسونية التي إجتاحت أسواقنا العربية و تساهم في إدخالنا إلى ملة الغرب .
3- شرب الشيشة و الدخان حرام و ثبت الطب أن تناول هذه الأشياء فيه تبذير للاموال و إفساد لها لأنه أصبح الأطباء اليوم خبراء إقتصاديين و محللين سياسيين .
4- على الأخت المسلمة أن تحذر من إضهار المحاسن أمام الرجال و التشبه بغير المسلمات في الملابس و تسريحات الشعر لأنه في ذلك ضرر بالإقتصاد و خاصة سوق الفياقرا و الواقيات الذكرية أي البريزرفاتيف .
5- السفر إلى بلاد الكفرة خطر على العقيدة و الأخلاق لأنهم يعملون على إنحراف شباب المسلمين و إضلالهم و يفسدون الأخلاق إيقاع الشاب المسلم في الرذيلة عن طريق جعل أسباب الفساد في متناول اليد .
وننصح الشاب المسلم الذي يرغب بمواصلة دراسته العليا بالخارج بالسفر إلى مالي أو الصومال أو غينيا الإستواءية  .
هاني آنا عطيتكم برنامج إقتصادي متكامل كان الطبقوه تو تشوفوا ملي كان لخرى للركبة بش يولي للعنكوش و الحمد لله و هذا لكل من فضل ربي .
هذا سامح من أرض جربوعستان الطيبة يحييكم و يقول لكم دمتم في أمان الله .